Gamle Klokkargarden

Bygsel frå Prestegarden til fyrste kjende brukar i 1724. Husa på bruket bygd i 1890. Ole P.A Britanusen Kjerstad tok over i 1892. Anna Berta tok over garden etter faren Ole Britanusen. Ho og Gustav dreiv garden nokre år etter 2. verskrig fram til Ole Britanusen døydde i 1955. Gustav kjøpte Ferguson gråtass traktor som han m.a. dreiv leigeslått med. Det var første firhjulstraktoren på øya. Gustav og Anna avvikla gardsdrifta og skilde frå ei tomt der dei bygde nytt hus, Fjørtun. Garden vart seld til Haram kommune. Gustav fekk arbeid om bord i ein båt. Her var nokre år ein forpaktar som dreiv garden.

I byrjinga av 60-talet kom Olav Einar Gustav, bror til Anna Berta, og tok attende garden med odelsretten. Han budde her nokre år med familien. 

Etter at Olav flytta, heldt Gustav og Anna fram med gardsdrifta nokre år til Anna vart sjuk. Anna døydde i 1973. Klokkarstova var utleigd til ulike familiar. I 1985 vart huset skilt frå resten av garden, Roar og Heidi Seth fekk kjøpe tunet. Dei reiv husa og bygde seg nytt hus i 1987.

Resten av jorda vart seld til Ståle Kjerstad.